ხის საცობის მასალით აშენებული სახლი

ეს პროექტი RIBA Stirling Prize 2019-ის სიაში მოხვდა.

თევზის სატყუარები, ბოთლების საცობები, პლატფორმის ძირები, პინბორდები, ჭიქის სადგამები. კორპის მასალის გამოყენება ძალიან მრავალფეროვანია. თავის მხრივ, ის შესანიშნავი მასალაა - ძლიერი შეკუმშვით (პლატფორმის ძირები), წყალგამძლე და საიზოლაციო კარგი წყარო. კორკი ასევე უნაკლოდ მდგრადია. კორკი არის სუფთა მცენარეული მასალა, რომელიც მზადდება კორპის სატყეო მეურნეობის სუბპროდუქტით.კორპის მუხის ქერქი ყოველ ცხრა წელიწადში ხელით იკრიფება ისე, რომ არ მოხდეს ხის ან ტყის დაზიანება. მიუხედავად ამ მასალის მრავალფეროვნებისა, გიფიქრიათ რომ მისგან შეიძლება სახლი ააშენოთ ?!...

“Cork House-ი“ მსგავსი ტიპის სახლებს შორის პირველია. მონოლითური კედლებითა და პირამიდი ფორმის სახურავებით, რომლებიც თითქმის მთლიანად მყარი კორპისგან არის დამზადებული.“მისი გამორჩეული სტრუქტურული ფორმა და მდიდარი სენსორული გარემო არქიტექტურისადმი მთელი ცხოვრებისეული მიდგომის შედეგია, რომელშიც გარემოს მდგრადობა შენობის სასიცოცხლო ციკლის ყველა ეტაპზეა ჩადებული.“- ამბობენ არქიტექტორები.

გამომგონებლობა სტრუქტურის მარტივად აწყობაში მდგომარეობს. მთელი სახლი "შექმნილია დემონტაჟისთვის" და მისი აშენება შესაძლებელია ხელით. იგი ისეა დაპროექტებული და აგებული, როგორც ასაწყობი ნაკრების ნაწილები. მისი აშენება ცემენტისა და ქვიშის გარეშე, ლეგოს პრინციპითაა შესაძლებელი.სამშენებლო სისტემა ერთმანეთს მშრალად უკავშირდება ( არ გამოიყენება წებო ან სხვა მსგავსი რამ),ასე რომ, კორპის ყველა 1,268 ბლოკი შესაძლოა თავიდან იქნეს გამოყენებული, ან გადამუშავდეს ისე, რომ გარემოს ზიანი არ მიაყენოს.

Cork House-ის შექმნისას უზარმაზარი ყურადღება დაეთმო დეტალებს. ყველა კომპონენტის ხელახლა გამოყენება ან გადამუშავებაა შესაძლებელი. კორპის გაფართოებული ბლოკები დამზადებულია კორპის სატყეო მეურნეობისა და ხის საცობების დამამზადებელი კომპანიების ნარჩენების გამოყენებით.როგორც ბიო – განახლებადი რესურსი, კორპის ბლოკები შეიძლება გადამუშავდეს ან განადგურდეს და დაუბრუნდნენ მიწას. ამისი მიზანია- კვალის არ დატოვებაა. "გარკვეულწილად ეს პროვოკაციაა", - ამბობს ბარნეტ ჰოულენდი. “რადგან ეკოლოგიურობა ხდება ყველა კონსტრუქციის განუყოფელი ნაწილი, ამ განვითარებამ გვიბიძგა, გადაგვეხედა მოთხოვნებისთვის და გვეცადა რეალურად გაგვეერთიანებინა საკუთარი თავი ბუნებასთან.“

დეტალები ძალზე ჭკვიანურადაა შერჩეული ხოლო სტრუქტურა უძველეს შთაგონებას ეყრდნობა, რაც უკავშირდება იმ პერიოდს, როდესაც ადამიანი და ბუნება ერთმანეთთან უფრო მეტად იყო დაკავშირებული.
სახლი იყენებს მშენებლობის სისტემის ევოლუციურ ვერსიას, რომელიც გამოიკვლია, გამოიცადა და შემუშავდა MPH Architects- ის, Bartlett School of Architecture UCL- ის, Bath University- ის, Amorim UK- სა და Ty-Mawr- თან, ქვეკონტრაქტორებით, მათ შორის Arup და BRE.

მისი ადგილმდებარეობისა და დატბორვის საშიშროების გამო, შენობა მიწიდან ოდნავაა ამაღლებულია.მაცდურიად ჟღერს იმაზე ფიქრი, წყლის ადიდების შემთხვევაში მან უბრალოდ გაცუროს, როგორც თანამედროვე ნოეს კიდობანმა, მაგრამ მაგრამ როდესაც მისი დრო დადგება, სახლი შეგიძლიათ, უბრალოდ დაშალოთ გარემოზე მინიმალური ზემოქმედებით.

წყარო : archdaily.com/theguardian.com/