მოხმარების პირობები

WWW.SHOP.GE -არის განცხადებების საიტი საქართველოში!

საიტზე განცხადების განსათავსებლად, საჭიროა გაიაროთ რეგისტრაცია ელ.ფოსტის საშუალებით.

ერთი პროფილით შეგიძლიათ დაამატოთ ნებისმიერი რაოდენობის განცხადება გარდა შემდეგი შემთხვევისა:

1. ერთი შინაარსის რამდენიმე განცხადების განთავსება.
2. არათემატური განცხადების განთავსება.

განცხადებაში აუცილებლად მითითებული უნდა იყოს მფლობელის აქტიური ნომერი, წინააღმდეგ შემთხვევებში ადმინისტრაცია უფლებას იტოვებს წაშალოს თქვენი განცხადება.

საიტის ადმინისტრაცია უშუალოდ არ ყიდის პროდუქციას, შესაბამისად არ არის პასუხისმგებელი პროდუქციის ფასზე და სხვა დეტალებზე. პროდუქტით დანიტერესებული პირი უკავშირდება განცხადების მფლობელს და მათ შორის ხდება შეთანხმება ყიდვა-გაყიდვასთან დაკავშირებით.

საიტზე შეგიძლიათ როგორც ფასიანი, ისე უფასო განცხადების განთავსება. გადახდა ხდება საიტიდან ბარათის საშუალებით, ან საბანკო გადარიცხვით 

თანხის უკანდაბრუნების პოლიტიკა

გადახდილი თანხის უკან დაბრუნება ხდება განცხადების გასაჩივრების შემთხვევაში, გადახდის მომენტიდან არაუმეტეს 24 საათის პერიოდში. გადახდის გასაჩივრება შეგიძლიათ, იმ შემთხვევაში, თუ ტექნიკური მიზეზის გამო ვერ მიიღეთ საფასურის შესაბამისი სერვისი საიტისგან.

მომსახურების პირობები შეგიძლიათ იხილოთ ბმულზე

უსაფრთხოება

ვებ-გვერდი WWW.SHOP.GE არის დაცული „უსაფრთხოების სერტიფიკატით“ და მონაცემების გაცვლა ხდება დაშიფრული https არხით.

მიუხედავად ამისა შეგახსენებთ, რომ ინტერნეტკომუნიკაციები მაინც არ არის ბოლომდე უსაფრთხო. ჩვენ არ შეგვიძლია ავიღოთ რაიმე სახის პასუხისმგებლობა ვებ-გვერდზე გაგზავნილ მონაცემებზე მესამე პირების მიერ არასანქცირებულ წვდომაზე ან/და ინფორმაციის დაზიანებაზე;

ინფორმაციის შეგროვება

ვებგვერდის ზოგიერთი ფუნქციის გამოსაყენებლად მოითხოვება რეგისტრაცია. თუ თქვენ რეგისტრირდებით ან დარეგისტრირებული ხართ ჩვენი ონლაინმომსახურების მიმღებად, ამავე დროს ირჩევთ მოგვაწოდოთ გარკვეული სახის პირადი ინფორმაცია, როგორიცაა: თქვენი სახელი, მისამართი, ელექტრონული ფოსტა, და ტელეფონის ნომერი. რეგისტრაციის პროცესში თქვენ შეგიძლიათ შექმნათ და შეინახოთ, შეცვალოთ ან წაშალოთ პირადი მონაცემები, რომლებსაც მიუთითებთ ვებგვერდზე. ასევე შეგიძლიათ პაროლის შეცვლა ნებისმიერ დროს. უფლებას ვიტოვებთ ჩავიწეროთ ან/და მონიტორინგი გავუწიოთ ჩვენ შორის განხორციელებულ სატელეფონო ზარებს
და ელექტრონულ მიმოწერას, იმისათვის რომ მოხდეს ინსტრუქციების გადამოწმება და დაზუსტება იმისა, რომ ვაკმაყოფილებთ ჩვენი მომსახურების სტანდარტებს.

ჩვენ ასევე შესაძლოა გამოვიყენოთ მცირე ზომის ფაილები, რომელიც ინახება მომხმარებლის მყარ დისკზე, როგორც მომსახურების შემადგენელი ნაწილი, რათა უზრუნველვყოთ კლიენტების შესახებ ინფორმაციის მიღება და კლიენტების დაცვა ონლაინრეჟიმში მათი ანგარიშების არასანქცირებული გამოყენებისაგან. ამასთან, ჩვენ არ ვიყენებთ კლიენტის კომპიუტერში არსებულ ფაილებს პირის მიერ ინტერნეტით სარგებლობის მონიტორინგისათვის.
 

წესები და პირობები 

წინამდებარე წესები და პირობები ეხება პროდუქციას, რომლის შესყიდვაც შესაძლებელია უშუალოდ ვებ-გვერდიდან www.shop.ge. 

ინფორმაცია მოვაჭრის შესახებ: 

• მოვაჭრის დასახელება: შპს “შოპ.ჯი” 

• საიდენტიფიკაციო ნომერი: 204555613 

• იურიდიული მისამართი: ვაკე-საბურთალოს რაიონი, თოფურიას ქ., №12, თბილისი, საქართველო 

• ფაქტობრივი მისამართი: ვაჟა-ფშაველას გამზ. 71 მთავარი შესასვლელი, მე-4 სართული, ოფისი #24 

• ელ-ფოსტა: info@shop.ge 

• ტელეფონის ნომერი: (+995) 577 262 155 

წესები და პირობები 

გთხოვთ, ყურადღებით გაეცნოთ წინამდებარე წესებსა და პირობებს, რომელიც არეგულირებს თქვენს მიერ ვებ-გვერდზე www.shop.ge პროდუქციის შეძენას.  

წინამდებარე წესები და პირობები შეიძლება შეიცვალოს საკანონმდებლო ან/და კომპანიის პოლიტიკის ცვლილების შესაბამისად, შპს “შოპ.ჯის” მიერ ცალმხრივად, მომხმარებლის თანხმობის გარეშე. წინამდებარე წესებსა და პირობებში განხორციელებული ნებისმიერი ცვლილება დაუყოვნებლივ აისახება ვებ-გვერდზე www.shop.ge გამოქვეყნებულ ვერსიაში. ცვლილება არ გავრცელდება ცვლილებამდე დადებულ ხელშეკრულებაზე, ხოლო ცვლილების შესახებ შეტყობინება წინასწარ 1 თვით ადრე, ან თუ ობიექტური გარემობების გამო 1 თვით ადრე შეტყობინების გაგზავნა შეუძლებელია, პირველივე შესაძლებლობისთანავე, ასევე გაიგზავნება რეგისტრირებული პირის მიერ მითითებულ საკონტაქტო მონაცემზე. 

ვებ-გვერდზე რეგისტრაცია და თქვენი ანგარიში 

1. პროდუქციის ვებ-გვერდის მეშვეობით შესყიდვისთვის აუცილებელია ვებ-გვერდზე რეგისტრაცია და თქვენი ანგარიშის მეშვეობით შეკვეთის რეგისტრაცია. ვებ-გვერდზე რეგისტრაციისა და ანგარიშის შექმნისთვის აუცილებელია შესაბამის ველებში მოთხოვნილი ინფორმაციის, მათ შორის, პერსონალური მონაცემების მითითება. აღნიშნული პერსონალური მონაცემების დამუშავების მიზანია მომხმარებლის მიერ განხორციელებული შეკვეთის მიღება, დამუშავება და საკურიერო მომსახურების მეშვეობით მომხმარებლისთვის მიწოდება, აგრეთვე ნასყიდობის ღირებულების მიღება ან/ და საჭიროების შემთხვევაში უკან დაბრუნება, შეკვეთის მიწოდება ან / და საჭიროების შემთხვევაში უკან დაბრუნება, აგრეთვე სხვა იმ ქმედების განხორციელება, რაც საჭირო ან სასურველია მომხმარებლის მიერ რეგისტრირებული შეკვეთის დამუშავებისთვის. 

2. პერსონალური მონაცემების დამუშავების წესებსა და პირობებზე დეტალური ინფორმაციისთვის გთხოვთ, იხილოთ ვებ-გვერდზე www.shop.ge განთავსებული „კონფიდენციალურობის პოლიტიკა“.  

3. გაითვალისწინეთ, რომ ვებ-გვერდზე www.shop.ge თქვენი ანგარიშის ავტორიზაცია და მისი მეშვეობით ქმედებების განხორციელება მოვაჭრის მხრიდან აღიქმება, როგორც თქვენს მიერ განხორციელებული ქმედება.  

4. თქვენს ანგარიშზე შესასვლელი მონაცემების კონფიდენციალურობის დაცვა წარმოადგენს თქვენსავე პასუხისმგებლობას. მომხმარებლის ანგარიშით ყველა უნებართვო სარგებლობის აღკვეთაზე პასუხისმგებელი არის თავად მომხმარებელი. იმ შემთხვევაში თუ შეამჩნევთ თქვენი ანგარიშით უნებართვო სარგებლობას, დაუყოვნებლივ მოგვმართეთ.   

შეკვეთის რეგისტრაცია და მიღება  

1. www.shop.ge-ზე პროდუქციის ნასყიდობისთვის აუცილებელია შესაბამის ველებში მიუთითოთ მოთხოვნილი პერსონალური მონაცემები, მათ შორის, მიმღების ვინაობა და მისამართი. მომხმარებელი ვალდებულია მოიპოვოს ყველა საჭირო თანხმობა (ასეთის აუცილებლობის შემთხვევაში) წინამდებარე პერსონალური მონაცემების www.shop.ge-სთვის მიწოდების გამო.  

2. პროდუქციის ნასყიდობის ღირებულების გადახდა შესაძლებელია ვებ-გვერდზე ჩამოთვლილი საბანკო ბარათის მეშვეობით. გადახდისთვის აუცილებელია, რომ მონაცემები შეიყვანოთ ბანკის გვერდზე, რომელზეც ვებ-გვერდი გადაგიყვანთ შესყიდვის პროცესში. 

3. შეკვეთის რეგისტრაციიდან და თანხის გადარიცხვიდან არაუმეტეს ორი სამუშაო დღის განმავლობაში, მოვაჭრე უზრუნველყოფს მომხმარებლის შეკვეთის დამუშავებას.  

4. შეკვეთილი ნივთის მომხმარებლისთვის მიწოდების ვადაა შეკვეთის დამუშავებიდან არაუმეტეს 7 სამუშაო დღე (თბილისის შემთხვევაში მიწოდება ხდება შეკვეთის დამუშავებიდან 2-3 სამუშაო დღეში, რეგიონის შემთხვევაში 5-7 სამუშაო დღეში). შეკვეთის მითითებულ ვადაში მიწოდების შეუძლებლობის შემთხვევაში, მომხმარებელს ეცნობება წინასწარ.  

5. შეკვეთის მიწოდების საფასურია: 

• თბილისში მიწოდება: 10 ლარი 

• რეგიონებში მიწოდება: 10 ლარი 

6. შეკვეთის მიწოდება ხდება მომხმარებლის მიერ შეკვეთისას მითითებულ მისამართზე. შეკვეთა ჩაბარებულად ითვლება ნივთის მომხმარებლის ან მომხმარებლის მიერ შეკვეთის მიმღებად დაფიქსირებული / მითითებული პირისთვის შეკვეთის ჩაბარებისთანავე. 

7. მომხმარებლისთვის ნივთის მიწოდების შეუძლებლობის შემთხვევაში შეკვეთა გაუქმდება და კლიენტს დაუბრუნდება მის მიერ გადახდილი თანხა. 

8. მოვაჭრე ვალდებულია მოთხოვნის შემთხვევაში გადასცეს დამკვეთს შეკვეთასთან დაკავშირებული ყველა საბუთი. 

მოვაჭრის ვალდებულებები 

1. მოვაჭრე ვალდებულია მომხმარებელს გადასცეს ხელშეკრულებით გათვალისწინებული პირობების შესაბამისი საქონელი / ნივთი. საქონელი / ნივთი ხელშეკრულებით გათვალისწინებული პირობების შესაბამისად მიიჩნევა, თუ იგი შეესაბამება მოვაჭრის მიერ მომხმარებლისთვის მიწოდებულ აღწერას. იმ შემთხვევაში თუ არ არსებობს მოვაჭრის მიერ მომხმარებლისთვის მიწოდებული ნივთის აღწერა, საქონელი ხელშეკრულებით გათვალისწინებული პირობების შესაბამის საქონლად მიიჩნევა, თუ იგი გამოსადეგია იმ მიზნისთვის, რომლის თაობაზედაც მომხმარებელმა მოვაჭრეს ხელშეკრულების დადების დროს აცნობა და რომელსაც მოვაჭრე დაეთანხმა. 

2. საქონელი / ნივთი ნაკლის მქონედ არ მიიჩნევა, თუ ხელშეკრულების დადების მომენტში მომხმარებელმა იცოდა ან უნდა სცოდნოდა ნაკლის შესახებ.  

მომხმარებლის უფლებები 

1. თუ საქონელი / ნივთი ნაკლის მქონე აღმოჩნდა, მომხმარებელს უფლება აქვს, მოვაჭრეს მოსთხოვოს ნაკლის აღმოფხვრა. ნაკლის აღმოფხვრა შესაძლებელია საქონლის / ნივთის უსასყიდლოდ შეკეთების ან შეცვლის გზით. ნაკლის აღმოფხვრისთვის საჭირო ხარჯებს (მათ შორის, ფოსტის, სამუშაო ძალის და მასალების ხარჯებს) გაიღებს მოვაჭრე. მოვაჭრე უფლებამოსილია უარი თქვას ნაკლის აღმოფხვრაზე, თუ ეს საქონლის ბუნებიდან გამომდინარე შეუძლებელია, ან არათანაზომიერ ან შეუსაბამო ხარჯს მოითხოვს. 

ნაკლის აღმოფხვრა განხორციელდება გონივრულ ვადაში, რომელიც წარმოადგენს შემდეგ ვადებს:  

• ჩანაცვლების შემთხვევაში - 10 კალენდარულ დღეს;  

• შეკეთებისას -  მოვაჭრის ინფორმირებიდან არაუგვიანეს 30 კალენდარული დღეს.  

• იმ შემთხვევაში თუ ნაკლის აღმოფხვრა ვერ მოხდება ზემოაღნიშნულ ვადაში, მომხმარებელს ეცნობება აღნიშნულის შესახებ. მომხმარებელი უფლებამოსილია შეცვალოს თავის მოთხოვნა და მოითხოვოს ხელშეკრულებიდან გასვლა; 

2. მომხმარებელმა შეიძლება მოითხოვოს ნასყიდობის ფასის შემცირება, ან საქონლის / ნივთის მოვაჭრისთვის დაბრუნება (ხელშეკრულებიდან გასვლა), თუ არსებობს ერთ-ერთი შემდეგი პირობა:  

• საქონლის / ნივთის შეკეთება ან შეცვლა შეუძლებელია; 

• მოვაჭრემ საქონელი / ნივთი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა; 

• მოვაჭრის მიერ საქონლის / ნივთის შეკეთება ან შეცვლა მომხმარებელს მნიშვნელოვან შეფერხებას შეუქმნის. 

3. საქონლის / ნივთის ნაკლის ბრალით ხელშეკრულებიდან გასვლის შემთხვევაში მომხმარებელი უფლებამოსილია მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.  

4. ზემოაღნიშნულთან ერთად, გაითვალისწინეთ, რომ მომხმარებელს არ აქვს უფლება უარი თქვას ხელშეკრულებაზე, თუ საქონლის / ნივთის ნაკლი უმნიშვნელოა.  

5. თუ მომხმარებელმა საქონლის  / ნივთის ნაკლი მისი მფლობელობაში მიღებიდან 6 თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის / ნივთის მიწოდებისას, თუ, საქონლის / ნივთის ბუნებიდან ან ნაკლის ხასიათიდან გამომდინარე, ეს შესაძლებელია. მოცემულ შემთხვევაში მტკიცების ტვირთი აქვს მოვაჭრეს. 

თუ მომხმარებელმა საქონლის/ ნივთის ნაკლი მისი მფლობელობაში მიღებიდან 6 თვის შემდეგ აღმოაჩინა, იმის მტკიცების ტვირთი, რომ ნაკლი არსებობდა საქონლის / ნივთის მიწოდებისას, მომხმარებელს ეკისრება.  

6. მომხმარებელს უფლება აქვს, ისარგებლოს ზემოხსენებული უფლებებით, თუ საქონლის ნაკლი საქონლის მისთვის გადაცემიდან 2 წლის განმავლობაში აღმოჩნდა.  

უპირობოდ დაბრუნების პოლიტიკა 

1. მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/ და სარეწის გარეთ დადებულ ხელშეკრულებაზე შეკვეთის მიღებიდან 14 კალენდარული დღის განმავლობაში. ეს ვადა აითვლება:  

• საქონლის ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან  

• მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან 

• საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან. 

უპირობოდ დაბრუნების უფლებიდან გამონაკლისი  

1. მომხმარებელს არ აქვს უფლება უპირობოდ, ყოველგვარი საფუძვლის მითითების გარეშე უარი თქვას ხელშეკრულებაზე და მოითხოვოს საქონლის / ნივთის მოვაჭრის მიერ უკან დაბრუნება შემდეგ შემთხვევებში: 

1. მომხმარებელს მიეწოდა ჰერმეტულად დაცული საქონელი, მისი ჰერმეტულობა მიწოდების შემდეგ დაირღვა და საქონლის დაბრუნება შეუძლებელია ჯანმრთელობის ან ჰიგიენური ნორმების დაცვის გამო; ან 

2. მიწოდებული საქონელი მიწოდების დროს, მისი მახასიათებლებიდან გამომდინარე, განუყოფლად შეერწყა სხვა საქონელს; 

3. მომხმარებელს არ აქვს უფლება, უარი თქვას იმ საქონელზე, რომლის ღირებულება 30 ლარს არ აღემატება. 

დაბრუნების პირობები 

1. ნივთის უპირობოდ დაბრუნების მოთხოვნის სარგებლობისთვის მომხმარებელი ვალდებულია შეავსოს ნივთის დაბრუნების ფორმა (იხ. ქვემოთ) და გადმოგზავნოს შემდეგ ელ-ფოსტაზე: info@shop.ge.  

2. ხელშეკრულებაზე უარის თქმის შემთხვევაში მომხმარებელი ვალდებულია:  

1. მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა. 

2. გასწიოს საქონლის დაბრუნებასთან დაკავშირებული პირდაპირი (უშუალო) ხარჯი. 

3. იმ შემთხვევაში, თუ ნივთის მახასიათებლები არ შეესაბამება ვებ-გვერდზე www.shop.ge  მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით. 

4. მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად. 

5. მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება. 

6. თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს. 

7. მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას. 

ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ. 

ფორს–მაჟორი 

1. არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია ფორს-მაჟორული გარემოებით, როგორიც არის, სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით, სხვა და ეს მოვლენები დაიწყო ან განვითარდა შეკვეთის შეძენის შემდეგ, არ იყო მოსალოდნელი და გავლენას ახდენს მხარის მიერ ვალდებულების შესრულებაზე. 

2. თუ ჩამოთვლილი გარემოებებიდან უშუალოდ რომელიმე მოქმედებს მხარის მიერ ნაკისრი ვალდებულებების წინამდებარე სამომხმარებლო წესებისა და პირობებით განსაზღვრული შესრულების ვადაზე, ეს ვადა გაგრძელდება დაუძლეველი ძალის გარემოების მოქმედების ხანგრძლივობის შესაბამისად. 

3. მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს.  

4. ფორს-მაჟორულ გარემოებებზე მეორე მხარისთვის შეუტყობინებლობამ ან დაგვიანებით შეტყობინება, უფლებას ართმევს მხარეს, გამოიყენოს ზემოთ მოყვანილი დაუძლეველი ძალის მოვლენები პასუხისმგებლობისგან განთავისუფლების საფუძვლად. 

დაბრუნების ფორმა: 

• მომხმარებლის სახელი: 

• საქონლის შეკვეთის თარიღი: 

• შეკვეთის მიღების თარიღი: 

• მომხმარებლის მისამართი: 

• მომხმარებლის ხელმოწერა (თუ ფორმა ქაღალდზეა შევსებული): 

• ფორმის შევსების თარიღი: