ჩინეთში წიგნების სიურეალისტური მაღაზია გაიხსნა

ზევით, სარკისებური ჭერია - ხოლო პრიალა შავი კრამიტის იატაკები წიგნის თაროებს ირეკლავს, სერიოზული M.C. Escher-ის ეფექტით.

ჩინეთში ახალი წიგნის მაღაზია აბსოლუტურად გამაოგნებელია/შთამბეჭდავია.Dujiangyan Zhongshuge, რომელიც მდებარეობს ჩენგდუში, შეიქმნა შანხაიში დაფუძნებული არქიტექტურული ფირმის X + Living- ის მიერ, რომელმაც შექმნა Zhongshuge- ს რამდენიმე ადგილმდებარეობა. ორსართულიანი სივრცე სარკისებური ჭერის და პრიალა შავი კრამიტის იატაკის წყალობით, საკათედრო ტაძარს წააგავს. “ შენობაში სარკის ჭერი, Zhongshuge-ს წიგნების მაღაზიის სავიზიტო ბარათია“,- ამბობს Li Xiang, X + Living- ის დამფუძნებელი. ”ის არეკვლის ხარჯზე ეფექტურად ზრდის სივრცეს.“

შესვლისთანავე, მყიდველები ხვდებიან C-ფორმის წიგნის თაროებს, რომლებიც ინტიმური სივრცეების სერიას ქმნიან. მაღაზიის ცენტრში მაღალი კოშკები და სვეტები სივრცის სრული სიმაღლით სარგებლობენ. წიგნის ეს თაროები რეგიონის ისტორიითა და ტოპოგრაფიით იყო შთაგონებული. „ადგილობრივი ლანდშაფტი შენობის შიგნით გადავიტანეთ“,- ამბობს ლი.

ფირმამ, ზედა თაროებზე გამოიყენა წიგნის პრინეტები, რათა შეექმნა ილუზიაა თითქოს წიგნები იატაკიდან ჭერამდეა გადაჭიმული. "თუ ზედა თაროებზე ნამდვილი წიგნები მოვათავსეთ, არამარტო მკითხველებისთვის იქნება ძნელად მისაღწევი, არამედ ოპერატორებისთვისაც რთულად მოსავლელი“,- ამბობს ლი.მაღაზიას უკვე აქვს 80,000-ზე მეტი წიგნის კოლექცია, ასე რომ, ფაქტობრივად, ადგილი თითქმის აღარ არის. დიზაინის კიდევ ერთი მნიშვნელოვანი ნაწილი განათებაა. შენობაში შექმნილია „სინათლის ღვედები“, რომლებიც თითოეულ თაროს კონტურს უსვამენ ხაზს. ყოველივე ეს მკითხველს უადვილებს წიგნების ვიზუალურ აღქმას და უმარტივებს წიგნების პოვნას.

მაღაზიის პირველ სართულზე განთავსებულია კაფე და ბავშვების სათამაშო ადგილი, სადაც გამოსახულია ბამბუკის წიგნის თაროები, რომლებიც პანდებითაა გაფორმებული. ფერადი ბალიშების დასტა პატარა მკითხველს კიდევ უფრო მეტ კომფორტს უქმნის. მეორე სართულის აივანი სავსეა სავარძლებით, სადაც მომხმარებელს შეუძლია დაათვალიეროს თავისი შენაძენი, იმუშაოს ან შეხვდეს ხალხს.

“ეს პროექტი არის ჰოლისტიკური კონცეფციაა, ”- ამბობს ლი, “ჩვენ დაგვჭირდა რომ სივრცის თითოეული ნაწილი ერთმანეთთან იდეალურ თანხვედრაში ყოფილიყო, რომ ნებისმიერი ფუნქციური ელემენტი, იქნება ეს წიგნის თარო თუ სამუშაო მაგიდა, არ ამოვარდეს საერთო კონცეფციიდან და ამავე დროს ჰქონდეს სილამაზის განცდა. ” დიზაინის ყველა ელემენტი გაერთიანებულია, რათა დამთვალიერებელს შთამაგონებელი შოპინგის გამოცდილება შესძინოს.

წყარო: architecturaldigest.com