საძილე ტომარა

❗️❗️❗️ პროდუქტის შესაძენად გთხოვთ გადახვიდეთ საიტზე ✅WARBORN.GE✅ ან დარეკეთ ნომერზე 558248342, 597980394❗️❗️❗️
ეს არის სიცივისთვის განკუთვნილი საძილე ტომარა. წონაში არის 2.4კგ. წონის ძირითად ნაწილს შეადგენს სპეციალური ტიპის ბამბა, ე.წ. “hollow fiber”, ხოლო გარე ნაწილი შეკერილია 190D პოლიესტერით.
შეკრულ მდგომარეობაში სიგანეში არის 80სმ, ხოლო სიგრძეში 2 მეტრი. 1.90-მდე სიმაღლის ადამიანს საკმაოდ კომფორტულად შეუძლია რომ გამოიყენოს.

რაც შეეხება რეიტინგს: მწარმოებლისგან კომფორტის შეფასება აქვს -10 გრადუსი და ექსტრემი -20 გრადუსი.
აქვე განგიმარტავთ ზოგადად რას ნიშნავს ეს შეფასებები: ხშირად ამბობენ ხოლმე რომ საძილე არის +5 გრადუსის და ა.შ. რეალურად EN და ISO სტანდარტის მიხედვით არსებობს კომფორტის და ექსტრემის შეფასება.
კომფორტის შეფასება ნიშნავს რომ კონკრეტულ ტემპერატურაზე საშუალო აღნაგობის ქალი შეძლებს გამოძინებას, ხოლო ექსტრემის შეფასება ნიშნავს რომ საშუალო სტატისტიკურ ქალს შეცივდება, მაგრამ გადარჩება. მაგალითად: ჩვენს შემთხვევაში -10 კომფორტი ნიშნავს რომ -10 გრადუსში საშუალო სტატისტიკური ქალი გამოიძინებს ნორმალურად, ხოლო -20 ექსტრემი ნიშნავს რომ -20 გრადუსში საშუალო სტატისტიკური ქალი გადარჩება.

უნდა გაითვალისწინო ტენიანობაც: ზოგადად საქართველოში, განსაკუთრებით დასავლეთში არის ტენიანი ჰავა, ხოლო მაგალითად პოლონეთში არის გაცილებით მშრალი, კონტინენტური ჰავა. რაც უფრო ტენიანია ჰავა, მით უფრო იგრძნობა სიცივე და მით უფრო მარტივად გყინავს. ერთი და იგივე ადამიანი პოლონეთში გაცილებით მარტივად გადაიტანს -10 გრადუს სიცივეს გარეთ, ვიდრე საქართველოში.
საბედნიეროდ ჩვენ ზამთარში ისეთი სიცივეები არ გვაქვს როგორიც ჩრდილო-აღმოსავლეთ ევროპაშია, მაგრამ თუ ცივ ადგილებში აპირებ მოგზაურობას ეს ფაქტორი გათვალისწინებული გქონდეს და ასევე გაითვალისწინე რომ პირდაპირ მიწაზე არ დადო საძილე, მინიმუმ პარალონი მაინც დაიფინე თორემ ნახევარ სითბოს მიწა წაიღებს.

ყველაზე იდეალური ვარიანტია ტყის საფარში რომ იყო, გქონდეს ჰამაკი ხეებს შორის გაბმული თავისი მწერებისგან დამცავი ბადით, გქონდეს შიგნით ჩაფენილი ეს საძილე და გეძინოს ეგრე (თუ საარტილერიო დაბომბვის ან აღმოჩენის საფრთხე არ არსებობს და სანგარში არ გიწევს ყოფნა). ამრიგად არც მიწა დაგაკარგვინებს სითბოს და არც მწერები შეგაწუხებენ. ბუნებრივ პირობებში კი ჩვენთან ღამით ისე არასდროს ცხელა რომ ტანსაცმელი გაიხადო, საძილეც შეხსნილი გქონდეს და მაინც იოფლებოდე, ამიტომ სითბოს დონის მიუხედავად არ იფიქრო რომ ჩაიხუთები.